Со овие едноставни совети, ќе можете да ја задржите удобноста во вашиот дом во секое годишно време — без непотребни трошоци.
Пред интензивно користење — било пред лето или зима — направете редовна сервисна проверка.
АИРКОН ККЛИМА ЕКСПЕРТ ќе ги исчисти филтрите, ќе ја провери ефикасноста и ќе открие евентуални проблеми пред да станат поскапи.
Редовниот сервис еднаш годишно е најдобрата инвестиција за подолг век на уредот и помала сметка.
Не дозволувајте климата да ја работи баш целата работа! Покријте ги прозорците кои примаат најмногу сонце (особено јужните и западните). Затворете ги ролетните или завесите преку ден за да ја задржите свежината.
Во зима, затворајте ги завесите штом зајде сонцето – така топлината ќе остане во просторијата подолго.
Многу клима уреди имаат еко или енергетски режим кој штеди и до 25% енергија без да ја жртвува удобноста.
Некои модели, како Toshiba, овозможуваат и избор на моќност (100%, 75% или 50%) — совршено за контрола на потрошувачката.
Ако во лето не можете да заспиете од топлина или во зима се будите од студ, искористете го режимот за спиење.
Овој режим автоматски ја регулира температурата во текот на ноќта, овозможувајќи мирен сон и пониска сметка.
Дури и најдобриот клима уред нема да работи ефикасно ако има празнини околу прозорци и врати.
Со едноставно поставување на изолациони ленти или силиконски заптивки, ќе спречите истекување на воздухот и ќе заштедите енергија.
Повеќето современи клима уреди имаат тајмер – користете го!
Поставете ја климата да се вклучи 30 минути пред да се вратите дома, наместо да ја вклучувате на максимум кога ќе пристигнете.
Секое автоматизирање, па дури и за 1 час помалку работа дневно, значи помала потрошувачка.
Поставувањето на премногу ниска или висока температура не значи побрзо ладење или греење – само поголема потрошувачка.
Во лето, идеално е 22–24°C, а во зима 20–22°C. Разликата од само 1 степен може да заштеди и до 10% енергија.
Во лето, избегнувајте користење на фенот, сушарата или пак прекумерно користење на шпоретот кога климата работи.
Овие уреди создаваат дополнителна топлина и ја оптоваруваат климата. Наместо тоа, сушете ја облеката на тераса и гответе на скара – и вкусно и економично!
Запушен филтер ја намалува ефикасноста и ја зголемува потрошувачката на струја.
Исчистете ги филтрите еднаш на две недели:
Отворете го предниот капак.
Извадете ги филтрите.
Исперете ги или исчистете ги со правосмукалка.
Вратете ги откако ќе се исушат.
Процедурата трае само неколку минути – а заштедува.